Milio Ureta gana'l premiu Teodoro Cuesta de poesía n'asturianu

Fuente: https://www.lne.es/asturias/n-asturianu/2021/12/23/milio-ureta-ganal-premiu-teodoro-60957407.html L'escritor, que tien traducíu a llingua asturiana a Walt Whitman, llogró'l galardón pola so obra “Pexe les manes”. El poeta, actor y guía turísticu rioseyanu Milio Ureta, foi galardonáu col XXX Premiu Teodoro Cuesta de Poesía, ún de los más prestixosos de la lliteratura n'asturianu, pola so obra poemariu “Pexe les manes”. A esta edición del galardón presentáronse un total de 15 trabayos. Tres delles deliberaciones, el xuráu decidió por unanimidá conceder el premiu a la obra “Pexe les manes”. Una vegada abierta la plica, l'autor del poemariu resultó ser Milio Ureta, natural de Ribeseya, autor d'obres como “Poemes del amor simétricu”, y traductor al asturianu de la obra de Walt Whitman “Song of myself”, col títulu “Cantar de mi mesmu”. Thank you for watching El xuráu del premiu, que concede'l Conceyu de Mieres, tuvo formáu por Xuan Bello Fernández, Xabiero Cayarga, Esther Prieto Alonso, Pablo Rodríguez Medina y Daniel Blanco, con Ana Belén Alonso Losa, conceyala de Normalización Llingüística del Conceyu de Mieres como presidenta ya Ismael González Arias como secretariu –estos dos últimos ensin voz nin votu–. La xunta fíxose vía telemática. El Teodoro Cuesta de Poesía tien nel so palmarés a autores destacaos de les lletres asturianes como Xabiero Cayarga, Berta Piñán, Vanesa Gutiérrez o Xuan Bello, por poner solo dellos exemplos. David Orihuela